General Santos: Seguridad alang sa SARBAY Fest 2024, gipasiguro dul-an 600 ka mga security personnel mobantay

0
13
photo courtesy of Gov. Pacquiao Facebook page
Alabel Sarangani Province – Ang pagpangandam alang sa seguridad alang sa umaabot nga Sarangani Bay Festival 2024 ang gihan-ay na.
Kini human ang gihimong pinal nga security meeting alang sa pinakadako nga beach festival sa nasud.
Ang maong meeting ang gipangunahan mismo ni Sarangani Governor Rogelio ‘Ruel” Pacquiao, ug ni Provincial Tourism Council of Sarangani Inc President ug First lady Jobelle R. Pacquiao.
Mokabat sa dul-an 600 ka mga security personnel ang ipakatag aron nga bantayan ang maong beach festival.
Kini gilangkuban sa pwersa PNP, PNP- Maritime Group, AFP, BFP, PHILIPPINE COAST GUARD ug uban pa.
Sumala pa nga lauman nga ipatuman ang hugot nga seguridad sa may Gumasa, Glan Sarangani Province ilabi na sa bag-ong venue niini nga mao ang Reyes Beach Resort, sa Gumasa Glan.
Apil sa mga ipatuman mao ang bawal nga pagdala sa mga hinagiban sama sa armas sa mga sibilyan, bawal ang pagpanigarilyo ug uban pa.
Ipatuman usab ang 100- meter NO PARKING ZONE sa National Highway hadool sa venue.
Ang Sarangani Bay Festival ang pagahimoon karong umaabot nga Mayo 24-26, 2024. (Rem Agdon)

Leave a Reply