Sa taas na panahon nga pagtago-tago nasikop na gyud sa kapulisan ang labing pinangita sa balaod.
Matod sa Police Regional Office 7 nga ang suspetsado usa ka babaye, negosyanti ug lumad nga taga Quezon.
Aduna kini nahimong kalapasan sa Terrorism Financing Prevention Suppression Act of 2012 Section 8 (11) Section 9 of Republic Act 10168.
Ang pagkasikop pinasikad sa warrant of arrest nga gi issue ni Presiding Judge Marlon Jay Guillena Moneva, Regional Trial Court, 7th Judicial Region, Branch 74, Cebu City, pinitsahan niadtong May 14, 2024, diin ang piyansa mobalor og P200,000.00.
Didto kini nasikop sa North Reclamation Area, Barangay Carreta, dakbayan sa Sugbo, niadtong nakalabay na adlaw, pinaagi sa mga sakop sa City Investigation and Detective Management Unit sa Cebu City Police Office.
Dako ang pasalamat ni Police Brigadier General Anthony A. Aberin, PRO7 Regional Director, sa nahimong kalampusan sa iyang mga sakop.
“Our dedicated operatives continuously collaborate with other agencies from different regions to pursue justice against those wanted individuals based on orders of the Court. Let this be your stern warning”, segon ni Police Brigadier General Anthony A. Aberin.
Sa nasayran nga ang maong negosyanti maoy nag bubo og puhunan para sa kalihukan sa mga sakop sa walhong pundok sukad pa niadtong tuig 2001. (Renante Socia Lada)
(Source: PRO-7)