Radio Philippines Network
DXKT Davao News Provincial News

Kuya Gob Gitiwas Daang Proyekto Aron Dili Masayang Kwartas Katawhan

Gitiwas ni Kuya Gob. Edwin I. Jubahib ang karaang mga proyekto sa naunang administrasyon, aron malikayan ang pag-usik sa bilyones ka pesos nga kwarta sa katawhan.

Kagahapong adlawa, gipangunahan ni Kuya Gob ang pag-inagurar sa upat ka mga proyekto nga mokabat ngadto sa P171 million, ubos sa Philippine Development Program (PRDP).

Kauban ni Kuya Gob sila Department of Agriculture (DA)-XI Regional Director Ricardo Onate ug mga local officials sa pag-inagura sa P74.1 million Sto. Nino – Igangon farm-to-market road rehab sa(FMR) sa lungsod sa San Isidro; P86.5 million So. New Visayas-Binancian FMR, sa Asuncion; P6.2 million Kasilak potable water system; ug, P4.2 million Dalisay potable water system sa Panabo City.

Kapin 3,000 ka mga pamilya ug sobra 13,000 ka mga indibidwal ang gila-umang makabenepisyo sa nahuman nga mga proyekto.

Ang maong mga proyekto, apil ang kapin upat pa ka mga proyekto nga padayon pang ginatiwas ubos sa PRDP ug Conditional Matching Grant to Provinces (CMGP) program, nalangan tungud sa nagkadaiyang mga rason. Gani, ang uban kanila sa tuig 2015 pa gisugdan.

Midugang og pondo si Kuya Gob aron matiwas kini. Gipahingusgan niya nga mas importanteng mahuman ang maong mga proyekto aron dili mausik ang kawarta sa katawhan, ug walay labot ang pamulitika.

“Ako lahi. Tanan nga proyekto nga gisugdan sa una akong gipangtiwas tanan, bisan unsa ka gamay o kadako. Kay ngano man. Gikinahanglan mahuman ang tanang proyekto kay ang kwarta nga gigasto ana kwarta sa katawhan og dili kwarta sa politico.”

Dugang niya nga kung mahuman ang maong mga proyekto, ang makabenipisyo dili ang politiko, kundili ang katawhan nga nangandoy sa maong mga proyekto.

Giila sab ni Kuya Gob ang tabang nila 1st District Congressman Pantaleon Alvarez ug 2nd District Congressman Alan Dujali aron matiwas ang maong mga proyekto. (Noel Baguio)

 

 

 

Related posts

Mga Pekeng Sigarilyo Nasakmit Sa CDO

RPN

Overloading Tricycle Crashed To A Dump Truck

RPN

Top 9 Most Wanted Person Sa Rtlim Zamboanga Sibugay Nag-Atubang Sa Kasong Pagpanglugos Arestado Sa Hiniusang Pwersa Sa Kapolisan

RPN

This website uses cookies to improve your experience. We'll assume you're ok with this, but you can opt-out if you wish. Accept Read More