Karong adlawa Abril 27, 2024 gikatakdang muabot sa dakbayan sa Lapu-Lapu si Presidenti Ferdinand “Bongbong” Romualdez Marcos Jr. para mutambong sa ika- 503rd “Kadaugan sa Mactan” 2024.
Laikip usab nga mutambong ang pipila ka mga magbabalaod sa maong dako nga kasaulugan nga ipahigayon didto sa Liberty Shrine, siyudad sa Lapu-Lapu.
“Usa ka masaysayanong selebrasyon sa Kadaugan sa Mactan na sab ang atong masinati karong tuiga kay atong makauban ang atong halandong Presidente Bongbong Marcos.
Ikaduhang higayon kini sa tibuok kasaysayan sa atong syudad nga gitambungan gyud kita sa pinakataas nga posisyon sa atong nasud. Kauban niya ang atong pinalanggang Senador nga si Ang Supremo Senador Lito Lapid,” segon ni Lapu-Lapu City Mayor Junard “Ahong” Chan.
Adunay ipahigayon nga re-enactment sa Battle of Mactan diin ang mga lokal talents maoy magdala og mga kinabuhi niini. Si Jonel Espinosa isip si Lapu-Lapu, Lourelle Henj Manlosa isip si Reyna Bulakna, ug Kevin Lahousse isip si Ferdinand Magellan.
Samtang hugot usab nga seguridad ang ipatuman sa kapulisan sa Police Regional Office-7 sa pagbesita sa Presidenti Marcos Jr.
Sa nasayran gikan sa kagamhanan sa dakbayan sa Lapu-Lapu nga adunay hugot nga protocol nga sundona tol sa pag-abot sa Opisyalis sa nasud. (Renante Lada, photo credits to the owner)
