General Santos: 32 anyos nga lalaki nakuhaan ug iligal nga droga sa checkpoint sa Sultan Kudarat PNP

Balhog na karon sa silda sa kapulisan ang usa ka lalaki human nga nakuhaan ug gituohang illegal nga droga sa gimuntar nga checkpoint operation sa Esperanza Municipal Police Station sa CPAC Dukay, Purok Highway. Brgy Dukay , Esperanza Sultan Kudarat niadtong Abril 24, 2024.

Giila ni Police Major Alexander De Pedro, hepe sa Esperanza Municipal Police Station ang suspek nga si alyas “Mervin”, 32 anyos, karpentero ug residente sa Prk Masunurin, San Isidro General Santos City.

Segun kang PMaj De Pedro, nakumpiska gikan sa suspek ang nagkantidad sa Php 2,000 nga illegal drugs.

Ang suspek anaa usab sa kustodiya sa maong istasyon ug napasakaan na ug kasong kalapasan sa Republic Act 9165 o Comprehensive Dangerous Drugs Act of 2002. (Giovanni Pasco)