Katigayonan Sa Probinsiya Sa Sugbo Miabot Na Og Dul-an Sa P200 bilyones

Gilaomang mamentinar sa kagamhanang probinsiyal sa
Sugbo ang pagka labing adunahang lalawigan sa nasod sa
pagsera sa ‘books of accounts’ niini sa milabayng tuig nga
adunay P188 bilyones.

Mitubo ang katigayonan sa probinsiya og kapin sa 400
porsyento kon itandi sa assets niadtong 2018 nga miabot lang
og P35.7 bilyones.

Ang taas nga pagsaka sa bahandi sa lalawigan naggumikan
sa reappraisal sa mga real properties sama sa luna nga
nahimutang sa dakbayan sa Sugbo ug mga establisimento nga
natukod pinaagi sa Build-Transfer-Operate kun BTO scheme sa
pribadong mga kompaniya.

Ang BTO usa ka private-public partnership diin ang
pribadong kompaniya motukod og bilding sa yuta sa gobyerno
ug kon mahuman na, ang ownership iya sa kagamhanan apan
adunay katungod ang kompaniya pagpadagan sa propiyedad ug
pasilidad sud sa limitadong panahon.

Samtang magpadagan ang kompaniya sa kabtangan, mag-
abang kini sa luna nga nahimutangan sa bilding ug mohatag pag
bahin sa gobyerno sa kinitaan basi sa kasabotan sa BTO.

Niadtong Oktubre sa miaging tuig, gimando ni Gob.

Gwendolyn Garcia sa Provincial Appraisal Committee
pinangulohan sa Provincial Treasurer ug Assessor ang pag-
reappraise sa bili sa mga kabtangan sa Kapitolyo.