- Advertisement -
Patay ang kanhing kagawad sa Malapatan, Sarangani province human gipusil sa wala pa mailhing suspeks ning Domingo sa gabii, April 25 sa Purok San Jose, Barangay Baluan, General Santos City.
Giila sa General Santos City Police Office ang biktima nga si Montacier Celozar Singcoy, 41 anyos ug residente sa Poblacion, Malapatan, Sarangani.
Subay sa inisyal nga impormasyon, gikataho nga gi-atangan sa tulo ka motorcycle riding suspects ang biktima, diin atol sa pag-agi niini sa maong area, diha kini gibanhigan.
Nahitabo ang insidente takna alas-9:00 sa gabii.
Si Mon Singcoy ang anak nilang kanhing Malapatan mayors Aida Singcoy ug Alfonso Singcoy.
Nagpadayon pa ang ginahimong imbestigasyon sa kapulisan. (John Rey Somido)
- Advertisement -
