33.8 C
Manila
Friday, March 29, 2024

Nasursurok Ngem Sanga Gasut A Mangngalap Ti Ili A Curimao, Immawat Ti Tulong Manipud Iti BFAR

- Advertisement -

Nangipaay manen ti maruay a tulong ti Bureau of Fisheries and Aquatic Resources kadagiti mangngalap iti probinsia nga Ilocos Norte.

Mainaig iti daytoy, impadanon ni Gob. Matthew Marcos Manotoc ti napalaus a panagyamanna iti nakadamat nga ahensia pakairamanan ti Departamento ti Agrikultura nga indadauloan si Sec. William Dar bayat ti panagimatangna iti pannakaiyawat dagiti tulong a para kadagiti mangngalap ti ili a Curimao.

Inlawlawagna a ginutigotna ni Mayor Edward Quilala nga agkiddawda ti tulong ti BFAR apaman a naamoanna nga adda dagiti nakasagana a tulong nga ipaay ti nadakamat nga ahensia kadagiti mangngalap.

Imbatad ti gobernador a 135 dagiti benepisiario ti nadakamat nga ili a naipaayan ti sag-ta-tallo ribu a pisos, saggaysa a sako ti 25 a kilo a bagas ken adda pay ti naited a karne ti manok ken itlog.

Kabayatanna, nagpadispensar ti gobernador iti kaadu dagiti proyekto ken program a kalikagumanna a maipatungpal a naitantan gapu iti pandemia a ginubuay ti COVID-19.
(Rosita Macalipis, RPN DZRL Batac Correspondent)

(Source: Provincial Government of Ilocos Norte)

- Advertisement -

Leave a Reply

- Advertisement -

Related Articles

- Advertisement -
- Advertisement -

Latest Articles

- Advertisement -