Cebu City – “Victory and Humanity”
Kini maoy tema sa Quincentennial Celebration sa kasumaran sa Kadaugan sa Mactan nga gipahigayon sa Liberty Shrine, Barangay Mactan, Syudad sa Lapu-Lapu, karong adlawa, Abril 27, 2021.
Gihulagway ni Lapu-Lapu City Mayor Junard Chan nga nagmalampuson ang selebrasyon sa paghandum sa Ika-500 nga Kadaugan sa Mactan.
Gipadayag ni Mayor Chan nga iyang nabati ang kahinam sa mga Oponganon nga makita ang reenactment sa inila nga away tali ni Lapu-Lapu ug Ferdinand Magellan pinaagi sa mga local performers.
“Happy 500 Anniversary to the Battle of Mactan, mga Oponganon! Mabuhi kitang tanan nga mga apo sa atong bayani nga si Lapu-Lapu!” mensahi ni Chan.
Ang maong kalihukan pinaagi sa Lapu-Lapu City Tourism Cultural and Historical Affairs Commission pinanguluhan ni First Lady Cindi King-Chan ug sa National Historical Quincentennial Committee.
Mitambong sa maong kalihukan ang National Historical Commission of the Philippines Chairperson nga si Dr. Rena Escalante.
Lakip sa miduyog sa maong kalihukan si Executive Secretary Salvador Medialdea, Senador Bong Go, Presidential Spokesperson Harry Roque, Presidential Assistant for the Visayas Michael Lloyd Dino ug ubang mga Cabinet Secretaries.
Didto sab ang presensya sa Ambassador in the Spain nga si Jorge Moragas ug ang Honorary Consul of the Republic of Portugal in Cebu nga si Honorable Simon L. Cioson.
Ang Kadaugan sa Mactan gitawag kini kaniadto ug Bahug Bahug sa Mactan sa wa pa kini usba.
(Jhon Tadlip/JTY)
(Source: Lapu-Lapu City Public Information Office, photo courtesy by Junard “Ahong” Chan)
