Joint military exercises ng US at South Korea umarangkada na

Umarangkada na ang joint military exercises sa pagitan ng Estados Unidos at South Korea.

Ito ay sakabila ng banta ng North Korea na ibabasura nito ang nuclear negotiations sa pagitan nila ng Amerika, kung itutuloy nito ang naturang joint military exercises.

Ayon sa isang South Korean Defense Ministry Official, layon ng joint drill na masubok at maberipika ang kakayahan ng Seoul sa wartime operational control.

Inaasahan namang tatagal hanggang Agosto a bente ang naturang joint drills.

Ang military exercises ng South Korea at U.S. ay naganap din ilang araw matapos ang serye ng pagpapakawala ng short range projectiles ng North Korea.