28.3 C
Manila
Saturday, January 29, 2022

Iriga: Tamang plete sa trimobile, aadalan kan sangguniang panglungsod

- Advertisement -

Inaadalan na kan Sangguniang Panglungsod kan Iriga kun pira an tamang taripa matapos an sunod-sunod na paglangkaw nin presyo sa produktong petrolyo.

Visit RPN DZKI Iriga

Ini an ipinahayag ni Konsejal Ros Orolfo chairman kan Comm. On Public Utility sa Sangguniang Panglungsod matapos na maka-abot sa saiya an halangkaw na taripa sa trimobile sa magkapirang barangay na pinagrereklamo na kan mga pasaheros.

An biyahing Perpetual Help mina-abot na nin 70 pesos arog kan Antonio, Sto. Nino asin parte kan Santiago.

Sigun sa pahayag ni Orolfo, aadalan ninda an sinambit ng bagay tanganing dai man malugi an mga tsuper mientras na inaatabayanan an bagong protocol sa paglangkaw kan mga tinatamaan nin covid-19 sa cuidad nin Iriga.

Mientras tanto, sa banwaan nin Baao, dagos ng hinagad kan liga ng mga barangay na ihuros an plete sa trimobile sa sinambit ng banwaan mientras na tugot naman an magkapirang pasaheros.

Magigirumduman na kan nagtalikod na taon, nagkaigua nin paglangkaw sa taripa nin plete matapos na duwa sana an tugot na maglunad sa trimobile dara kan pandemya.

(OIC Melvin F. Barayoga, RPN DZKI)

LEAVE A REPLY

Please enter your comment!
Please enter your name here

- Advertisement -

Related Articles

- Advertisement -

SURVEY QUESTION OF THE WEEK

Kailangan bang may malawak na karanasan at mataas na pinag aralan ang mga tatakbo sa pagka Presidente at Bise Presidente? Oo o Hindi?

- Advertisement -

Latest Articles

- Advertisement -