Iriga City – Andam na an Bureau of Fire Protection Iriga City Fire Station sa pagsikad ngunian na aldaw kan Fire Prevention Month na taon-taon ginigibo nganing magin salvado an gabos sa peligro nin kasulo.
Iyo ini an ipinahayag ni F/S Insp. Gary Francisco, acting fire marshal sa cuidad nin Iriga katakod kan mga naka-linyadang programa sa selebrasyon.
Ini kinababalihan kan sound tracking sa mga mayor na barangay kan cuidad nganing mapaguiromdom an publiko sa padagos na paglikay sa kasulo na matao nin homa sa buhay asin propyudad.
Nakalinyada man an BFP Iriga sa “Oplan Ligtas na Pamayanan” kun sain makundusir man sinda nin education campaign sa gabos na sector kan socuidad asin mga eskuwelahan nganing masabutan an man lain-lain na paagui sa paglikay sa kasulo.
Mientras tanto, si F/Insp. Jeffrey Hipolito an acting fire marshal kan Baao-BFP nagpahayag na mapoon man an selebrasyon kan fire prevention month nin sarong banal na santa misa masunod na an saindang sound tracking sa mga mayor na kalye kan banwaan katakod kan selebrasyon kan fire prevention month.