Cebu City – Moabot ug 178 ka mga indibidwal ang nasikop, samtang ₱ 15 milyones nga balor sa gituuhang shabu ang nasakmit atol gipahigayong Synchronized Enhance Managing Police Operations (SEMPO) sa Central Visayas.
Gisugdan ang operasyon Biyernes sa gabii ug nahuman pagka Sabado sa tungang gabii.
Sa 166 ka operations nga gipahigayon batok sa loose firearms, dunay 178 ka mga firearms ang nasakmit ug gisurrender; dunay tulo ka mga explosives ug 15 ka mga tawo ang na aresto.
Sa kampanya batok sa illegal gambling, dunay 295 nga nadakpan sa 128 ka mga operations.
Dunay 32 sa mga wanted list ang mga nasikop.
Samtang gipadayag ni Lt. Colonel Wilbert Parilla, deputy director for operations sa Cebu City Police Office nga gipanglantawan nga posibling mosaka ang deman sa illegal drugs nonot na sa pagluag sa Covid-19 restrictions.
“So most of the drugs now will be opened, so atong expectation ana is motaas ang demand, so once motaas gani ang demand so probably, there will be also a possibility na ang supply momahal, so, that is the thing nga atong obserbahan sa mga sunod na semana,” mensahi ni Parilla.
Matod ni Parilla nga ang 11 ka mga station commanders ubos sa CCPO gimanduan sa pag monitor sa mga restobars sa ilang tagsa tagsa ka jurisdictions.
Kalabot sa illegal drug campaign, 36 ka mga operations ang napahigayon tibook syudad nga mi resulta sa pagka sikop sa 40 ka mga indibidwal.
Lakip sa mga nadakpan ang 17 kabook nga gi konsidera nga high-value individuals ug 23 ka mga street level individuals.
Nasakmit ang 586 ka gramos nga gidudahang shabu nga gibana banang mobalor ug kapin sa ₱ 3 million.
Sa illegal gambling, ang CCPO mipahigayon ug 35 ka mga operations nga misangko sa pagka sikop sa 62 ka mga individuals.
“Despite sa atong kusganon nga pag-operate sa illegal drugs, naa gihapon ang illegal drugs but so far, dili na gyud sa ing-ana kadaghan,” pasabot ni Parilla.
Sigon pa ni Parilla nga walay kausaban sa ilang operations batok sa illegal drugs bisan pa panahon sa pagsulbong sa pandemya.
Dugang niini nga sagad sa mga transactions sa mga illegal drugs gihimo sud sa city jail.
(News & photo courtesy of Cebu City Police Office)