Inlawlawag ni Gov. Matthew Marcos Manotoc a saan pay a maipalubos ti home quarantine ditoy probinsia.
Inpalgakna a daytoy ket gapu iti pangta ti UK variant ti COVID-19 nga immune a nangdayyeg idiay Benguet.
Nagpanawagan ti gobernador iti panagan-anus dagiti kailian nga agtalinaed kadagiti quarantine facilities ti probinsia.
Inpasiguradona a naurnos ken komportable a pagyanan dagiti nadakamat a pasilidad ti probinsia.
Immun-una ngem iti daytoy, inrakurak ti gobernador a maad-adal ditoy probinsia ti mabalin a pannakaipalbus ti home quarantine kadagiti agsangpet a kaprobinsiaan.
Nupay kasta, agingga kadagitoy a gundaway ket saan pay a maipalubos ti panag-home quarantine dagiti agsangpet a kailian.
Mainaig iti daytoy, imbatad ni Gob. Manotoc a maipatungpal ti home quarantine apaman a masigurado nga awan ti pangta ti UK variant ditoy probinsia.
Author: – Irene Ringor
RPN – DZRL Correspondent
Source: PGIN