Cebu City- Gisugdan na sa Commission on Human Rights Central Visayas ( CHR-7) sa ilang imbestigasyon pagsuta kung nalapas ba ang katungod sa mga Lumad atol sa police operation sud sa retreat house sa University of San Carlos-Talamban Campus, Pebrero 15, 2021.
Gikonpirma kini ni Special Investigator Leo Villarino ang maong kalamboan, atubangan sa mga sakop sa media, Pebrero 17, 2021.
Subay kini sa nakitang sayop sa pipila ka sektor, lakip na ang National Union of People’s Lawyers (NUPL) labot sa gihulagway nga illegal nga paagi sa pag rescue sa mga menor de edad nga lumad dihang nakasaski sa pinugsanay nga pagkuha sa mga sakop sa Police Regional Office-7 niadtong pito ka hamtong nga naglakip sa volunter teachers ug elders.
Si Atty. Anthony King Perez, tigpamaba sa NUPL , miingon nga base sa video nga ilang nakita sa tibuok operation, nakahimo og violation ang mga awtoridad sa protocols sa pagluwas og kabataan.
Matod ni Perez, isip usa ka child’s rights lawyer, iyang natataw nga wala masubay ang protocol.
Midugang siya nga ang mga menor de edad dili angayng pakit-on sa armadong personnel panahon sa rescue operation kay nahisupak man kini sa established standards.
Proseso
Namatikdan usab ni Perez nga way search warrant nga gipresentar atol sa operation nga usa ka standard protocol ug adunay probisyon batok sa unreasonable seizure and searches base sa balaod.
Aduna gyoy subayon nga proseso ug ang pagpresentar og search warrant kabahin niini.
Gimensiyon usab ni Perez nga ang kapolisan kinahanglang mopahibawo unta sa mga opisyal sa retreat house diin gi-rescue ang mga menor de edad ug mosubay sa mga policy sa pag-atubang sa mga bata.
Niadtong Pebrero 15, 2021, dunay 19 ka mga minors nga sakop sa Indigenous Peoples(IP) commnuity na rescue pinaagi sa Social workers sud sa reteat house sa nahisgutang universidad.
Pito ka indibdiwal nga naglakip sa volunter teacher ug elders mag-atubang ug tukmang kaso.
Way pagtugot
Sa press briefing, si Lorena Bangoy, staff sa Talaingod Municipal Social Welfare Office, mipahibaw nga ang mga ginikanan midangop sa Talaingod local government human ang ilang mga kabataan mibiya sa ilang panimalay niadtong 2018 uban sa giingong sakop sa Salugpungan Ta Tanu Igkanogon ug matod pa, “without knowledge and consent” ngadto sa mga ginikanan. l via Jhon Tadlip/JTY
Source: Commission on Human Rights-7
:Philippine News Agency
Photo: Today’s Carolinian via Jason Matthew Lim in the article Lumad Children Engage in Cultural Sharing Program