Halos 20,000 silid-aralan hindi naayos dahil sa reenacted budget

Aabot sa halos 20,000 silid-aralan ang hindi naayos, dahil sa pinaganang reenacted budget ngayong taon.

Ito, ayon kay Sen. Loren Legarda, kung saan sinabi nitong nasa kabuuang 18,575 classroom ang hindi naayos, habang nasa 4,100 naman ang hindi naipatayo matapos madelay ang pag-lagda sa 2019 national budget.

Dagdag pa ng senadora, naantala rin ang pagbibigay ng tulong sa 300,000 senior highschool students.