Gensan City Vet, nangayo dugang budget ug personnel, batok ASF

Walay duha – duhang giaprobahan sa Sangguniang Panglungsod sa syudad sa Gensan gipangunahan ni City Vice- Mayor Atty. Ton Acharon pinaagi sa pagduso ni Kagawad Atty. Edmar Yumang ang pag allocate ug dugang pundo ug dugang personnel sa City Veterinary Office aron mas epektibo ang pagbantay aron dili makasulod sa Gensan ang ASF kon African Swine Fever nga karon nagka outbreak sa Don Marcelino, Davao Occidental ug silingan ra sa Gensan ug Sarangani Province. Matud pa ni Dr. Antonio Marin nga adunay pwedeng maagihan ang mga bahidor ug baboy pasulod sa Gensan nga wala maapil sa veterinary checkpoint tungod sa kakulang sa mga personahe sa ilang buhatan. Kulang usab ang mga equipments mao nga nagpadugang sila ug budget ug gilayong giaprobahan sa regular session sa konseho. Apan bisan pa man niini wala makasulod ang ASF virus kon asf free pa ang dakbayan sa Gensan hangtud karong panahona . Gidugang pa ni Dr. Marin nga ikatulo sa tibuok Pilipinas ang Gensan nga pinakadako nga swine producer nga maoy ga supply bisan pa sa kauluhang Manila ug mga nagkadaiyang lugar sa nasud. Samtang giangkon niini nga dili na nila ma monitor ang mga lechon houses ilabina ang sanitation ug tinubdan sa ilang mga litsonon nga baboy. Pipila niini nga gipaihaw ug gipaagi sa public slaughter house ang adunay tatak sa nmis insfection apan ang uban wala na miagi ug proseso sa inspection sa national meat inspection commission or nmis ug City Vet. Tungod niini giawhag sa mga konsehal sa syudad ang tanang tag iya ug mga lechon houses nga motuman sa proseso sa inspection aron dili malutsan sa ASF. Gisugyot ni Kagawad Edmar Yumang nga i convene ang City public safety ug morekomendar nga ipailawom sa state of calamity ng syudad batok ASF aron magamit ang pundo sa lokal nga gobyerno aron mapugngan ang pagsulod sa maong sakit sa baboy