General Santos City – Walay permit gikan sa siyudad ang sagad sa peryahan nga na-operate sa GenSan. Kini ang giangkon ni Geraldine Zamora, labaw sa Business Permit and Licensing Division Office (BPLDO) sa sesyon sa Martes sa buntag. Matud ni Zamora, sa ilang paglibot suroy sa mga peryahan sa Barangay City heights, Calumpang, Conel, Buayan ug Dadiangas South.
Nakita nila ang daghang bata 9-anyos paubos nga naa sulod sa peryahan ug nagpunsisok. “Actually wala (permit) hindi lang City heights, marami pala tayong peryahan na nag- operate na walang permit, totoo po yun marami talagang kabataan at nagsisiksikan,” asoy ni Zamora.
Gikakurat usab ni Zamora ang pagbutang sa pipila ka peryahan sa mismong compound sa barangay hall. Ilawom sa executice order (EO) no.02 series of 2022 nga nagpailawom sa GenSan sa alert level 2 status. Napatik ang pagbantay sa barangay ug kapulisan sa maong mga lugar aron masiguro nga masunod ang health protocols batok Covid-19.
Samtang giangkon sa opisyal nga dunay duha ka barangay opisyal ang niduol sa ilang buhatan aron molukat og special permit. Mihangyo si Zamora sa opisyal sa barangay nga hugot bantayan ang susamang aktibidad tungod dili na nila kini tanan mabantayan.
