Gilusad sa South Cotabato Rehabilitation Detention Center ang E-dalaw kansa mamahimong makahinabi sa mga inmates ang ilang mga kapamilya pinaagi sa videocall.
Matud kang OIC Warden Lory Celeste nagsugod ang maong programa niadtong Disyembre 20 ug muluntad hangtud dili pa mubalik sa normal ang sitwasyon tungod sa bahad sa COVID-19.
Gipahayag ni Celeste nga gihatagan ug 10 minutos ang mga inmates nga makaistorya ang ilang kapamilya gamit ang gadgets sa jail ug may gibutang usab kini nga gwardya nga magbantay.
Gihatag ang adlaw nga Lunes ngadto na sa Biyernes sa mga lalaki nga inmates nga makabenepisyo sa E – dalaw ug Lunes, Miyerkules ug Biyernes usab ang schedule sa babaye nga inmates nga maistorya ang ilang kapamilya.
Kahimabuan nga nagpabiling suspendido ang face to face nga dalaw sa kapamilya sa mga inmates sa SRDC tungod sa bahad sa COVID-19.