General Santos City – Gikumpirma ni P/Col. Gilberto Tuzon nga relieved na siya isip labaw sa General Santos City Police Station (GSCPO).
Si P/Col. Paul Tangan Bometivo nga gikan sa PRO 4-A ang nagpuli kaniya samtang siya ang nadestino sa Police Regional Office 12.
Matud ni Col. Tuzon nga kauban niya nga na-relieve si Col. Col Henry Villar, ang provincial director sa North Cotabato Police Office.
Nagpasalamat si Tuzon sa tanan nga misuporta kaniya kung asa sa iyang pagpangatungdanan walay mga dagkong insidente nga nahitabo.
Nagserbsiyo kini ug usa ka tuig og duha ka bulan isip labaw sa kapulisan sa syudad.
Naapil matud pa kini sa kamandu-an ni PNP Chief Gen. Dionardo Carlos nga pulihan kadtong mga labaw sa kapulisan nga kapin sa tuig na sa serbisyo.
Ang direktiba ang gikan mismo sa PNP Headquarters nga pirmado ni Gen. Edgar Cacayan.
(Source: PRO 12)