General Santos City – Temporaryong gisuspende sa DepEd GenSan ang limited face to face sa upat ka mga tunghaan sa syudad gikan niadtong Enero 17 human napa-ilalom sa alert level 3 ang dakbayan.
Sumala kang DepEd GenSan Schools Division Superintendent Rommelito Flores nga balik sa sel- learning modules, transition radio o dili ba kaha class on air ang mga estudyante hangtud nga dili manaug ang classification sa dakbayan.
Nasayran nga nauna ng nagpahigayon ug limited face to face classes ang Klolang Elementary School, Aspang Elementary School, Balakayo Elementary School ug Datu Balunto National Highschool.
Dugang pamahayag ni SDS Flores nga sa karon, ilahang gina-awhag ang tanang mga tunghaan sa GenSan pribado man o pampubliko nga mangandam na para sa limited face to face higayon nga subli na nga matugutan.
Nahatagan na usab sila ug direktiba nga magpahigayon ug assessment sa ilahang School Safety Assessment Tool sng mga tunghaan aron masayran kung unsa kaandam ang ilahang pasilidad higayon nga mag-abli ang limited face to face classes.
Sa karon, aduna na matud pay mga tunghaan nga nagsubmitar ug listahan alang sa posibleng pag-abli sa limited face to face classes apan kini ang kinahanglan pang i-assess.