General Santos City – Nakatakda ng pasakaan ug kasong frustrated murder ang suspek nga si Eduardo Dimatulac, 54 anyos nga residente sa Pampamga City human sa pagdunggab niini sa biktimang si Jessie Lusabia, 47 anyos nga temporaryong nagpuyo sa Zone 1, Brgy. Fatima ning dakbayan.
Sumala kang Police Major Rissa Hernaez, hepe sa Police Station 7 nga crime of passion kon gugma ang hinungdan sa maong krimen.
Subay matud pa sa imbestigasyon, adunay relasyon ang suspek ug ang biktima apan nagbulag hinungdan nga niadto ang suspek dinhi sa GenSan.
Dugang pamahayag ni Major Hernaez nga gumikan walay laing kaila ang suspek sa dakbnayan gitugutan kini sa biktima nga didto una matulog sa ilahang panimalay.
Subay matud pa sa pamahayag sa biktima, nagdumili na kining makigbalik sa suspek nga posibleng hinungdan sa pagpanunggab niini.
Sa karon, ana na sa kustudiya sa kapulisan ang suspek samtang ang biktima ang anaa na sa stable nga kondisyon.