Usa ka target-listed drug personality ang nasikop sa buy-bust operation niadtong Marso 1, 2022, 9:25 sa gabii sa may National Highway, Purok Mauswagon, Brgy. Labangal, General Santos City.
Giila ang suspek nga si Ramevar Verano y Estrada alyas Ramsky, 35, ulitawo, walay trabaho, ug residente sa San Roque, Labangal, General Santos City. Nasikop kini human nisugot nga mobaligya og usa ka sachet sa gituhoang Methamphetamine hydrochloride o shabu ngadto sa PDEA Agent nga nagpaka buyer bugti sa Php 500.00 nga buy-bust money.
Ang operasyon hiniusang gihimo sa PDEA South Cotabato Provincial Office, PDEA Seaport Interdiction Unit ug GSCPO Police Station 2.
Kasong paglapas sa Section 5, Article II sa RA 9165 o The Comprehensive Dangerous Drugs Act of 2002 ang ipasaka batok sa suspek.
(Source: PDEA 12)
