Gipataas sa Local Disaster Risk Reduction and Management Office o LDRRMO Liloy ang operational status ngadto sa BLUE ALERT isip pagpangandam sa 75th Araw ng Liloy 2026 ug sa gipaabot nga pagdagsa sa mga residente, bisita ug mga partisipante.
Gipahigayon usab ang Operational Period Briefing ug Send-Off Ceremony alang sa mga personnel nga ideploy sa nagkadaiyang kalihukan aron mohatag og safety, security, emergency response ug public assistance. Gi-activate usab ang Local Incident Management Team aron mapalig-on ang koordinasyon, monitoring ug pagdumala sa mga response resources.
Atol sa briefing, gipahibalo sa mga personnel ang ilang tagsa-tagsa ka assignment, operational responsibilities, communication ug coordination procedures, safety protocols, deployment areas ug response mechanisms aron masiguro ang hapsay ug organisadong pagresponde panahon sa selebrasyon.
Gipasalamatan ni Municipal Mayor Roberto Lim Uy Jr., isip LDRRMC Chairperson, ang mga responders, safety ug security personnel ug partner agencies nga motuman sa ilang katungdanan atol sa selebrasyon, ug gihatagan og gibug-aton ang ilang papel sa pagseguro sa kaluwasan sa mga motambong sa 75th Araw ng Liloy 2026.(JENIFFER JR. DELICA)
Source: LDRRMO Liloy