Cebu City – Gikonbikto sa Sandiganbayan si Provincial Board Member Celestino ‘Tining’ Martinez III, ug laing upat ka mga kanhi opisyal sa Dakbayan sa Bogo labot sa misuse sa pundo nga alang sa mga mag-uuma.
Gihukman sa anti-graft court nga guilty si Martinez sa paglapas sa Anti-Graft and Corrupt Practices Act (Republic Act No. 3019 gumikan sa pag divert sa public funds nga balor ug ₱ 20 million niadtong tuig 2017, sa dihang ang kasamtangan nga Board Member nagsilbi pa nga mayor sa syudad sa Bogo.
Ang Sandiganbayan Sixth Division mi sentensya ni Martinez ug hangtud sa 10 ka tuig nga pagka bilanggo ug gidid-an kini nga maka hupot ug public office.
Lakip nga guilty ang mga kanhi opisyal sa Bogo nga sila si Cresencio Pilaoil Verdida, Rheet Minguez, Mary Lou Ursal , ug Julio Ursonal, kinsa sama ni Martinez mag-atubang ug 10 ka tuig nga pagka priso ug perpetual disqualification nga maka hupot ug bisan unsa nga pwesto sa goberno.
Dugang niini, ang Sandiganbayan mimando ni Martinez, Verdida, Minguez ug Ursonal sa repay ‘jointly and severally’ sa P20 million ngadto sa Bureau of Treasury.
Ang maong ruling gi promulgate Pebrero 28, 2022, ug pinirmahan ni Associate Justice Kevin Narce Vivero.
Sa iyang tubag, matod ni Martinez nga wala siya magdahum nga mahitabo kini.
“ila gyud gi atol nga duol sa election,” mensahi ni Martinez.
Duna pa hinooy remedy ang ilang kampo alang sa ilang gitinguha nga reconsideration sa korte.
“…this won’t deter me from serving my constituents. It’s just a temporary setback. I still believe in the integrity of our Justice System,” dugang mensahi ni Martinez.
(Source: Sandiganbayan 6th Division, photo courtesy PB Martinez Facebook account)
