Nasikop sa kapulisan ang tulo ka indibidwal nga nadakpan sa aktong pag-apil sa illegal gambling o ilegal nga pagpusta nga lokal nga nailhan isip “Tong-Its” sa Purok 3, Barangay Miatan, Katipunan, Zamboanga del Norte.
Nahimo ang operasyon isip kabahin sa kampanya sa kapulisan batok sa mga ilegal nga kalihokan sa sugal. Malampuson nga nadakpan ang tulo ka suspetsado atol sa operasyon.
Ang mga nadakpan anaa na karon sa kustodiya sa Katipunan Municipal Police Station (MPS) alang sa hustong disposisyon ug pag-andam sa tukmang mga kaso batok kanila.
Gipahinumdoman usab sa kapulisan ang publiko nga likayan ang pag-apil sa mga ilegal nga sugal ug motabang sa mga otoridad pinaagi sa pagreport sa mga susamang kalihokan sa ilang lugar.(IKEN B. GULLEM)
Source: Katipunan Municipal Police Station ZNPPO