General Santos City – Ang maong insidente ang gikalambigitan Nissan Navara Pick, Forward Truck ug Motorsiklo nahitabo bandang 3:25 sa hapon.
Giila sa TMU Polomolok ang drayber sa forward truck nga si Paquito Costan samtang ang drayber sa pick up ang giila nga sil Alex Badilla ug iyang mga sakay nga silang Emily Badilla, Shirley Badilla Lagos, Ailene Valencia ug Lorlyn Olila nga pulos nga taga Arakan, North Cotabato.
Samtang luwas ang drayber sa motorsiklo human nga naka ambak palayo sa iyang motor sa dihang nakita niya nga padulong sa iyang direksyon ang natumba nga forward truck.
Base sa initial nga impormasyon, gikan matud pa sa direksyon sa Koronadal City ang pick-up padulong dinhi sa Gensan, apan wala niini nabantayan nga mupaliko na pasulod sa dalan pa-Brgy. Sulit ang forward truck hinungdan sa pagkabangga. Kusog matud pa ang impact sa pagbangga hinungdan nga dako ang damyos nga naangkon sa pick up ug nagresulta sa pagka-angol sa driver ug mga sakay niini.
Makita sa litratto nga kuha ni Joel Piang nga gitabang sa mga motorista ug mga residente sa maong lugar ang mga biktima. Dali man usab silang gipang dala sa ospital.