General Santos City – Patay ang usa ka CAA member nga nailang si Alvin Mison, 26 anyos, nakabasi sa Maan Patrol Base, 1st SC CAA Company, samtang samdan usab ang igsuon niining si Dimpoy Mison, 28 anyos, residente sa Purok 2, Barangay Malugong, Tboli, South Cotabato human kining gipamusil sa tulo ka magsuon nga silang Efraim Diwan, Ogie Diwan ug Mark Diwan, susamang residente sa Purok 2, Barangay Malugong.
Sa inisyal nga report sa Tboli PNP, alas 10:20 natigayon ang pagpamusil sa mga suspek ngadto sa biktima sa may Sitio Telew, barangay Talcon, Tboli.
Nasuta nga namugas ug mais ang magsuong biktima uban sa ilang mga kaubanan dihang kalit miabot ang tulo ka mga suspek ug dayon gipamusil ang duha ka magsuon gamit ang wala pa matinong matang sa armas.
Nakaangkon ug samad sa iyang wala nga bahin sa dughan ug walang bukton ang biktimang si Alvin, samtang si Dimpoy nakaangkon ug samad sa iyang tiil.
Human sa pagpamusil, nisibat ang mga suspek samtang ang duha ka mga biktima, gidala dayon sa ilang mga kabanay sa Polomolok Municipal Hospital kung asa si Alvin ang gideklarang dead on arrival.
Luwas na usab sa makuyaw nga kahimtang ang iyang magulang nga si Dimpoy kansa nagpaalim nalang karon sa iyang samad nga naangkon.
Away sa yuta ang usa sa mga gitudlong hinungdan sa pagpamusil sa tulo ka magsuon sa duha ka mga biktima human nga dugay na matud pang may bangi ang mga nahisgutan tungod sa lupa.
(Source: PNP South Cotabato)
