General Santos City – Dili una magpasulod ang Barangay Bula ug mga dili residente atol sa kasaulugan sa Pyesta De Bula karong enero 15 human ang gipagawas nga executive order.
Sumala kang Klinel Sustraido, Barangay Secrertary sa Barangay Bula nga sa unang Executive Order ilaha pang gitugtan ang mga residente sa ubang barangay nga makapa-mista apan gumikan sa pagtaas sa kaso sa COVID sa syudad ug anaa sa high risk ang ilahang barangay gumikan sa taas nga daily attack rate, nasabutan sa barangay council sa Barangay Bula nga dili nalkang una magpasulod ug mga dili residente aron usab nga ma-protektahan ang ilahang kumyunidad.
Saysay niini nga sa entrance sa Barangay Bula, adunay mga checkpopijt nga gipangbutang kung asa kinaahnglang i-presenta ang government issued id nga magpamatuod nga residnte sa Brgy. Bula o dili ba kaha Company Id.
Dugang pamahayag ni Sustraido nga wala silay gilauman nga bagaong duot sa trapiko artol sa Fiesta De Bula gumikan wala may mga mamista nga taga-gawas.
Sa karon, ang misa nalang ang magpabiling aktibidad sa kapistahan kung asa anaa sa onse ka misa ang himuon tibuok adlaw.
Subay matud pa sa executiver order sa barangaym, gina-awhag niini ang simbahan sa sto. Niño de bula parish nga mugamit ug ubang matang sa pagmisa sama a Facebook live aron nga dili magdasok ang mga tawo sulod sa simbahan.