Thursday, May 30, 2024

General Santos: Ang mga ginikanan sa magsoong Maguad nangayog tabang sa Commission on Human Rights kalabot sa pagpatay sa ilang mga anak

- Advertisement -

General Santos City – Bisan pa sa kalagot ug kaguol sa duha ka ginikanan nga nawad-an sa ilang duha ka anak nga linuog nga gipatay didto sa lungsod sa M’lang, North Cotabato niadtong milabay’ng Domingo, nagdagayday gihapon ang ilang kaluoy ug pagpasaylo sa mihimo sa krimen.

Visit RPN DXDX General Santos

Matod sa inahan nila ni Crizzle Gywnn ug Crizzul Louis nga si Mrs. Lovella Maguad, wala mosulod sa iyang utok ang pulong nga panimalos, tungod kay gipadako nila ang ilang mga anak nga mahadlok sa Diyos ug matud niya dili kini ganahan sa iyang mga anak.

Matud pa niya nga mituo gihapon siya sa sistema sa hustisya sa nasud bisan pa man nga nasayod siya nga lisod alang sa uban ang pagkab-ot niini.

Isip magtutudlo ug inahan, kanunay niyang tudloan ang iyang mga anak sa ilang mga katungod ug gipahinumdoman usab niya sila sa kalambigitan nga responsibilidad kung lapas na sa balaod.

Bisan sa iyang kaluoy nanghinaot siya nga pinaagi sa due process, atubangon sa mga suspek ang epekto sa ilang krimen nga nahimo.

Wala kapugngi ni Ginang Lovella nga ma-emosyonal sa tunga-tunga sa interbyu sa RPN Radyo Ronda kay morag biktima sila sa ilang kabuotan.

Matod niya sobra ra ang ilang pagsalig, nga gibawsan sa kahakog nga wala nila damha.

Nag-apelar karon ang Maguad ngadto sa Commission on Human Rights nga hatagan og pagtagad ang pagpatay sa ilang anak.

Morag nasagmuyo ang magtiayon kay nanghinaot sila nga mohimog pamahayag ang komisyon sa kaso sa ilang mga anak, apan daw nagtak-om kini sa isyu.

Nanawag sila, tabangan sila sa paghilak ug pagkab-ot sa hustisya nga ilang gipangita alang sa ilang mga anak.

Duha ka adlaw sa di pa ihatod sa magtiayong Maguad ang ilang mga anak sa ilang kataposang destinasyon, nanghinaot sila nga sa dili pa mobiya sila si Gywnn ug Boboy sa kalibotan nga kaniadto maoy naghatag kanilag kinabuhi, bayran sa balaod ang kinabuhi nga naputol ug nagdamgo nga uban nila ilubong sa ang gahong.

(Source: Regional Police Office 12)

- Advertisement -

Leave a Reply

- Advertisement -

Related Articles

- Advertisement -
- Advertisement -spot_img

Latest Articles

- Advertisement -