Cebu City – Mohatag ug usbaw sa fuel allocation ang lokal nga kagamhanan sa Syudad sa Sugbo.
Alang kini ngadto sa mga garbage truck sa 34 ka mga barangay sa south district sa syudad.
Isip kini tabang ngadto kanila sa pagkolekta ug paglabay taliwa sa pagpasirado sa Inayawan Transfer Station.
Una niini, miluwat Cease and Desist Order (CDO) ang Department Environment and Natural Resources 7 aron temporaryong ipahunong ang operasyon sa Transfer Station sa Inayawan.
Mipasar ug resolusyon ang maong ahensya gumikan sa kalapasan sa tagduma sa maong pasilidad.
Niadtong Oktubre 27, 2020, miluwat ang DENR ug Notice of Violation with Technical Conference ngadto sa tag-iya sa transfer station gumikan sa kalapasan.
Pagka lunes, Hulyo 5, 2021 nasuta sa joint inspection sa EMB 7 nga wala pa gyud giatiman sa tag-iya ang mga kuwang nga pasilidad sa maong station nga una nilang gimando.
Nakita sab nga nagbukid na ang basura.
Wa kini masubay sa lagda alang sa usa ka transfer station.
Gumikan niini, gipahamtangan ug multa ang pasilidad nga kapin sa ₱ 100,000.
Nasayran nga ang contractor nga maoy molabay sa mga basura, wala sab palabaya sa Binaliw gumikan sa isyu sa ilang(Docast) bayranan ngadto sa ARN Builders sa Binaliw. (Jhon Tadlip)
(News & photo courtesy of Cebu City Public Information Office | DENR 7)