Arestado ang isang Filipino-Australian aktor makaraang makabundol ng dalawang traffic enforcer sa JP Brgy. Poblacion, Makati City.
Kinilala ang suspek na si Douglas Errol Dreyfus Adecer o mas kilala bilang si Migo Adecer, 25-taong gulang at nakatira sa Jupiter Street.
Nasangkot sa isang hit and run incident si Adecer kaya nilapitan ng mga traffic enforcer.
Sa halip na isuko ang kanyang driver’s license ay pinaharurot nito ang kanyang sasakyan na tumama sa sasakyan ng MMDA at sa mga enforcer.
Ginagamot na sa ospital ng Makati ang mga empleyado ng MMDA na si Rogelio Castillano at Michelle Papin.
Samantala, hawak na ng Makati Traffic Sector ang aktor na nahaharap sa kasong reckless imprudence resulting in physical injuries and damage to property at disobedience to person in authority.
(Ulat ni Gilbert Perdez)