Cebu City – Sunod-sunod nang nakatala ug zero Covid-19 case ang Syudad sa Mandaue ug Lapu-Lapu ug dunay single digit ang Dakbayan ug lalawigan sa Sugbo.
Base kini sa DOH Central Visayas Center for Health Development (DOH CVCHD) Covid-19 Case Bulletin # 170, Disyembre 5, 2020.
Ang Dakbayan sa Lapu-Lapu ika 10 na ka higayon nga nag zero case sa Covid-19; ang Syudad sa Mandaue dul-an na sab sa napu ka higayon nga way bag-ong kaso.
Samtang ang Syudad sa Sugbo dunay lima ka bag-ong kaso ug ang lalawigan 2 ka mga kaso lang.
Sa kinatibuk-an mi abot na ug 24,290 ka mga kaso sa Covid-19 ang Central Visayas.
Dunay 18 ng mga bag-ong nanga ayo.
Mi abot na ug 21, 965 ang mga bag-ong recoveries. (Jhon Tadlip Jr./JTY)
(Source & photo courtesy of Department of Health Central Visayas Center for Health Development)
