Linawlawagan ti Task Force Salun-at a ti negatibo a resulta ti swab test ket saan na a kaipapanan a saan nga apektado dagiti maseknan iti Virus.
Inpalaamoda ken ni Gob. Matthew Marcos Manotoc a masapul a maikunsiderar ti pannakaisayangkat ti test ken ti maudi nga aldaw a pannakipulapolda iti nakunpirmaran a positibo ti COVID-19.
Imbatadda iti Gobernador a mairekomendar kadagiti nakapulapol dagiti maseknan ti panangkumpletoda iti sangapulo ket uppat nga aldaw a quarantine period uray pay nagnegatibo ti RT- PCR test dagitoy para iti COVID-19.
Mainaig iti daytoy, nagpanawagan ti gobernador iti panagkaykaysa ti probinsia a maaddaan ti natalged a Holiday season babaen iti panagtulnog kadagiti protocol.
Innayonna a mabalin ti tunggal maysa ti mangrambak ti paskua iti sidong dagiti iaptpateg tayo bayat ti panangtultuloy tayo a manglaban iti COVID-19. (Irene Ringor, RPN DZRL Batac Correspondent)
(Source: Provincial Government of Ilocos Norte/ Communications & Media Office)