Iriga City – Sobra sa 200 na mga contact tracers asin frontliners sa banwaan nin Baao an sarabay na pinagkuanan nin RT- PCR test o Swab Test kasu odma, ini parte kan aggressive community testing o ACT na inaprobaran kan Bicol IATF bilang suporta sa maisog na kampanya kan gobierno sa paglaban sa COVID-19.
Tig-anom na contact tracers asin BHERT an pinag-inot sa nasabing swab testing, nganing maseguro na libredo sinda asin mayo nin makaka-ulakit kan hilang na sinambit.
Sa pamamayo kan DILG Operations Officer Ms. Gladdy San Joaquin pinag kundusir an mahiwas na swab testing sa tabang naman kan DOH Regional Office asin kan Bicol Medical Center.
Arog man kaini an ginibo sa ciudad nin Iriga asin mga banwaan kan Nabua asin Buhi na kabali sa nasabing aggressive community testing huli ta an mga lugar na ini an may igua nin dakol na kaso kan COVID-19 sa probinsya nin Camarines Sur. (OIC Melvin Barayoga, RPN DZKI Iriga)
(Source: LGU Baao)