Cebu City – Gipahibawo sa Department of Health o DOH VII gahapon nga na-flattened na sa rehiyon ang coronavirus curve.
Sumala pa sa tigpamaba sa DOH VII, Mary Jane Loreche, ilang nakita ang maayong resulta sa ilang record busa nagpakita kini nga na-flattened na ang curve.
Atol sa virtual press conference, si Loreche mihulagway sa uwahing statistics sa virus sa Central Visayas nga masaaron.
Ang gipasabot ni Loreche dili lang ang gidaghanon sa uwahing hitaptan ug naulian kondili hasta ang gitawag og critical care utilization rates sa mga tambalanan.
Matod pa sa tigpamaba sa DOH VII, ang utilization rates sa mga ospital sa rehiyon mitibugsok ngadto sa 19 porsyento hangtod sa Setyembre 6.
Taliwa sa maong ‘positive development’, ang kadagkoan sa panglawas miagni hinuon sa publiko pagpadayon pagtuman sa health protocols sama sa pagsul-ob og face masks ug face shields, pagtamod sa physical distancing, ug kanunayng pagpanghunaw og alcohol o tubig ug sabon.
Gitataw ni Loreche nga ang pag-flattened sa curve wa magpasabot nga mobalik na sa normal ang pagpuyo sa tawo sama kaniadto tungod kay ania na kita sa new normal na.
(Jhon Tadlip/ JTY)
(Source: Department of Health VII)
