Gikumpirma karon sa Department of Health-Region 12 nga anaa sa 24 ka pasyente karon ang under monitoring sa ilahang buhatan, gumikan sa travel history sa mga niini sa mga lugar, asa adunay 2019 new coronavirus infection.
Apan giklaro ni DOH-12 officer-in-charge Dr. Fatima Emban, nga asymptomatic ang mga nahisgutan, asa walay nakitang sintomas sa maong virus infection.
Gawas sa maong mga PUMs, aduna usab natala nga usa ka patient under investigation sa rehiyon, nga una nang gikataho nga nagpabiling himsog ang panglawas human mipailawom sa 14-day quarantine procedure.
Subli namang nanawagan ang health official sa publiko nga likayan ang pagkalisang atubangan sa hulga sa nCoV ug magtuman lamang sa gitakdang mga health measures aron malikayan ang pagkasakit.
Una nang girekomenda sa DOH ang pagkansela sa tanang mga public gatherings aron malikayan ang pagkatag sa maong virus.