Malampusong gipahigayon ang orientation sa mga scholars sa may covered court sa Polanco Central sa lungsod sa Polanco dili pa lang dugay. Kini gitambongan sa mga ginikanan kauban na sa mga anak nga mga magtutungha.
Mitambong usab sa maong kalihukan ang kadagkuang opisyal sa lungsod sa pag pangulo ni Mayor Evan Hope Olvis ug pipila ka mga sakop sa Sangguniang Bayan sama nila ni Vice Mayor Alfredo Bait-it, mga konsehal Jennifer Rodrigo, Bimboy Insoy, Benson Opulentisima, Conseso Regencia, Jr., ug Romer Ladera.
Kahibaloan nga kining scholarship program gisugdan niadto pa ni anhing Mayor ug Board Member Anacleto Olvis. Kini gipadayon usab ni Mayor Olvis karon aron matabangan ang mga kabataan sa ilang pag tungha sa koleheyo ilalbi na sa financial nga aspeto.
Ang lunsod sa Polanco sa pagka karon adunay kapin sa 200 ka mga scholars nga gigahinan og usa ka milyon ka pesos nga gikuha gikan sa panudlanan sa lungsod sa gender and development fund.
Sa mensahe ni Mayor Evan Hope Olvis, iyang gisaysay ang kantidad sa ayuda nga ihatag sa mga scholars. Sila nagpakadawat sa tag dies mil ka pesos ang nag tungha sa private nga mga tunghaan. Samtang tag dos mil ka pesos ang nagtunngha sa public schools. Gipanghinaut sa mayor nga mapalambo ug ma padako pa ang suporta sa tuition ug allowances sa mga scholars sa lungsod sa Polanco