Malampusong gipahigayon kagahapong adlawa ang pag turned-over sa mga inorganic fertilizers ngadto na sa mga mag-uuma sa lungsod sa Polanco. Ang maong kalihukan gipahigayon sulod sa buhatan sa agriculture sa Kanibungan, barangay Villa Hermosa.
Gisugdan ang maong kalihukan pinaagi sa hamubo nga program diin gitambongan sa mga opisyal sa lungsdo pinaagi sa pag pangulo ni mayor Evan Hope Olvis kauban nila ni vice mayor Bait-it ug konsehal Jennifer Rodrigo. Mitambong usab ang mga tinugyanan sa agriculture sa lalawigan pinaagi ni Mr. Danilo Elemento ug ingonman ni MAO Edgar Agayan.
Sa nasayran nga ang naasoy nga mga inorganic fertilizers programa gikan sa rehiyon ug local nga pangagamhanan, sa tinguha nga mahatagan sa ayuda ang mga mag-uuma kinsa apektado kayo sa pandemic. Kahibaloan nga una nang gihatag ang mga binhi nga inbreed ug high breed kaniadto, ug karon mao na ang inorganic fertilizer nga urea.
Sa mensahe ni Agricultural Technologist Ambrosio Rubi sa municipal Agriculture Office kini nagpasalamat ngadto kang mayor Olvis nga maoy naninguha pag hangyo sa regional office aron ang ilang lungsod mahatagan sa maong mga ayuda. Gawas niini, ang local nga kagamhanan mi gahin pa gayud og 112 ka bags nga mga inorganic fertilizers isip dugang ayuda sa mga mag-uuma.
