Nadakpan sa mga pulis ang usa ka 27-anyos nga lalaki nga gipangita sa korte tungod sa kaso nga Attempted Qualified Rape sa Barangay Antipolo, Medellin, Cebu niadtong milabay nga adlaw.
Ang pagdakop gihimo sa Tracker Team sa Medellin Municipal Police Station pinaagi sa intelligence-driven operation. Ang warrant of arrest giisyu sa Regional Trial Court Branch 10-FC sa Bogo City, Cebu, ug adunay girekomendar nga piyansa nga ₱120,000.
Gipahibalo sa mga pulis ang suspek bahin sa iyang kaso ug sa iyang mga katungod ubos sa balaod human sa pagdakop.
Gidayeg ni Cebu Police Provincial Office Director PCOL Abubakar Udang Mangelen Jr. ang Tracker Team tungod sa malampusong operasyon.
Matud niya, padayon nilang palig-onon ang pagpangita ug pagdakop sa mga wanted person samtang gisiguro ang hustong proseso sa balaod ug mga katungod sa matag nadakpan.
Ang pagdakop kabahin sa padayong kampanya sa Cebu PPO sa pagpatuman sa mga warrant of arrest ug pagdala sa mga akusado ngadto sa hustong proseso sa korte.
I via Renante Socia Lada