Gipahinumdoman sa Police Regional Office 7 (PRO7) ang tanang tag-iya og pusil nga kinahanglan silang responsable sa pagtago ug paggamit niini.
Gi-awhag ang mga tag-iya nga ibutang ang pusil sa luwas nga lugar ug dili kini ipagamit sa dili awtorisadong tawo. Kinahanglan usab nga mosunod sa mga balaod ug lagda bahin sa armas.
Matud sa PRO7, ang responsableng pagpanag-iya og pusil makatabang sa pagpugong sa mga insidente ug pagpanalipod sa kinabuhi sa mga tawo.
Pahinumdom sa PRO7: “Imong Pusil, Imong Responsibilidad. Ampingi, Tahura ang Balaod, Panalipdi ang Kinabuhi.”
Gidasig usab ang publiko nga i-report sa pinakaduol nga estasyon sa pulis o sa 911 ang kadudahang kalihokan ug ilegal nga pagpanag-iya og armas.
I via Renante Socia Lada