Nakadakop og 575 ka personalidad ang Cebu Police Provincial Office (CPPO) atol sa ilang intensified operation ubos sa Safer Cities Initiative sa tibuok Cebu kagahaping adlawa Setyembre 4, 2026.
Sa 305 ka operasyon nga gihimo gikan alas 12:01 sa kadlawon hangtod alas 11:59 sa gabii, 380 ang gipamulta samtang 195 ang gipasidan-an o gipagawas. Mikabat sa ₱211,650 ang kinatibuk-ang nakolektang multa.
Pinakadaghan sa mga paglapas ang may kalabotan sa traffic ordinances, nga mikabat sa 380 ka kaso. Aduna usab 66 ka menor de edad nga nakalapas sa curfew, 64 ka kaso sa pag-inom sa pampublikong lugar, 29 nga naglaag nga walay saplot sa ibabaw, 27 ka paglapas sa smoking ban, ug 8 ka paggamit og karaoke lapas sa gitakdang oras.
Matud ni PRO7 Regional Director PBGen Arnold Evangelista Abad, ang Safer Cities Initiative dili lang nakatutok sa pagdakop ug pagpamulta, kundili sa paghimo og mas luwas ug hapsay nga komunidad pinaagi sa police visibility, hustong pagpatuman sa balaod, ug kooperasyon sa publiko.
Si Cebu Governor Pamela Baricuatro usab mipasiugda nga responsibilidad sa tanan ang pagmintinar sa kalinaw ug kahapsay sa Cebu.
📸 CPPO
I via Renante Socia Lada