Nagpatuman og Red Alert ang Visayas Grid karong Septyembre 5, gikan alas-5 sa hapon hangtod alas-8 sa gabii. Mosunod niini ang Yellow Alert gikan alas-8 hangtod alas-10 sa gabii.
Sumala sa NGCP, 2,255 megawatts (MW) ang available nga power capacity samtang moabot sa 2,432 MW ang peak demand.
Nakaapekto sa power supply ang pagkawala sa operasyon sa dagkong coal plants nga TVI 1 ug PEDC 3, lakip ang limitado o dili available nga power import gikan sa Mindanao. Aduna usab 797.8 MW nga kapasidad nga dili magamit tungod sa forced outages ug derated capacities sa mga power plant.
Ang Red Alert ipagawas kung kulang ang suplay sa kuryente kumpara sa panginahanglan, samtang ang Yellow Alert nagpasabot nga gamay na ang operating margin sa grid.
📸 NGCP