Malampusong gipahigayon ang lain na usab nga community outreach, serbisyo caravan ug niining tungura didto na kini sa barangay New Sicayab, lungsod sa Polanco sa naka labayng semana. Kini gilangkoban na pag lugway serbisyo medical sa rural health unit sa maong lungsod.
Nag lakip sa maong serbisyo caravan, ang libreng konsulta medical nga gi dumala sa Rural Health Unit, medical team kauban ni Dr. Patricia Quema. Ang serbisyo nag lakip sa pag tuli sa mga pisot, fluoride sa mga ngipon, pag bakuna batok covid-19, ug pang hatag sa tambal. Ug uban pang mga serbisyo medical nga gi lugway ngadto sa mga katawhan sa nahisgutang barangay.
Diha usab sa maong kahihukan ang mga tinugyanan sa buhatan sa DSWD pinanguluhan ni Ms. Jay Sebastian aron pag feeding sa mga kabataan, nanghatag face mask alang sa tanan. Diha usab ang tinugyanan sa Department of Agriculture, diin nanghatag binhi sa mga utanon. Sama sa Pechay, Okra, Talong ug kamatis. Nanghatag usab sila’g organic fertilizers.
Sa gihapon, pagka udto, dihay gi andam nga pagkaon gi salohan sa tanan. Sanglit ania pa kita sa covid-19 pandemic, hugot gayud nga gi sunod ang minimum health protocols diin tanan nag suot sa face mask ug nag observed sa social distancing.
Pagka human sa paniudto, gi sunod dayon ang pag pang-apod-apod sa mga relief goods nga may tulo ka kilong bugas, duha ka latang beef loaf, duha ka sardinas ug tulo ka putos sa noodles. Aduna usab tagsa ka pack nga goddess para sa kabataan ug lamian nga ice cream para sa tanan.
Kahinumduman, nga ang maong serbisyo caravan programa kini ni Mayor Evan Hope Olvis diin hugot usab nga gi suportahan sa Sangguniang Bayan nga ma pa duol ang serbisyo sa local nga pangagamhanan ngadto na sa katawhan. Programa kini nga gipatuman dili lamang karon nga nagka duol na ang election. Kun dili, kaniadto pa sa unang pag lingkod ni Mayor Olvis isip amahan sa lungsod.