Gisugdan na ang paghan-ay sa plano sa kagamhanang lokal sa Dipolog alang na sa housing project nga tukuron para sa mga empleyado niini.
Kini ang nasayran human gipahigayon ang usa ka tigum adlawa ng Huwebes, Nobyembre 18 ning tuiga, nga gipangulohan ni Mayor Darel Dexter T. Uy.
Ang nasangpit nga housing project tali sa National Housing Authority (NHA) ug Dipolog City Government ang gipondohan sa mobalor sa kapin ₱ 1.46B nga didto paga-tukuron sa Brgy. Gulayon ning dakbayan.
Ning kasamtangan, nagpadayon pa ang kagamhanang lokal ning siyudad sa pag “comply” sa mga documentary requirements aron masugdan na og himo ang Memorandum of Agreement (MOA) tali sa NHA og lokal nga kagamhanan.
Ang maong tigum ang gipahigayon didto sa Museo De Dipolog nga gitambongan sa mga hepe sa gikan sa nagkalain-laing buhatan sa kagamhanang lokal ning dakbayan.
(Source: City Information Office | Dipolog City Government Facebook page)
