Malampusong gipahigayon ang seremonyas sa ground breaking sa paga tukuron nga clustered isolation facility sa purok Burgos, Poblacion South, lungsod sa Polanco, niadtong miaging adlaw.
Nasayran, ang pagatukuron nga clustered isolation facility ubos sa pag tambayayongay sa KALAHI CIDDS sa DSWD ug ingonman sa LGU Polanco, nga gigahinan sa mo kapin kun kulang 19 milyunes ka pesos. Ang maong proyekto tapuson sulod sa 63 ka adlaw.
Ang KALAHI mi pahat og dul-an 14 milyunes ka pesos ug ang LGU Polanco pinaagi na ni mayor Boyet Olvis mi gahin usab og dul-an singko milyunes ka pesos. Ang maong isolation facility kun matapos, mao unya ang pinaka modern sa tibuok lalawigan sa Zamboanga del Norte, diin maka pahimulos niini ang katawhan sa lungsod sa Polanco.
Sulod unya sa nahisgutang isolaltion facility ang 30 ka mga rooms, duha ka katre matag room nga may kaugalingong kitchen, dining area, ug comfort room, may nurse station, laundry rooms, may generator sets, guard house ug cctv cameras.