CAGAYAN DE ORO CITY- Kon naay mga barangay o local officials nga mabal-an nga tinuod irregular nga nanghatag sa Social Amelioration Package o SAP mag-atubang sa administrative o criminal charges, matud pa ni DILG-10 Regional Director Arnel Agabe. Gidugang pa ni Dir. Agabe nga aduna silay instruksyon gikan ni DILG Sec Eduardo Año nga idangop sa NBI o sa PNP kon unsa man mga irregularidad o anomaliya sa SAP distribution. Matud niya dili nila i-tolerate ang mga corrupt officials ilabi na niining panahon sa coronavirus disease pandemic.
Ang DILG motan-aw sa maong sitwasyon ug mosang-at sa administrative cases batok sa mga corrupt local officials nga moresulta sa ilang pagkasuspenso ug dismissal gikan sa public office.
Nasayran nga ang Presidente nagtanyag usab sa 30 mil pesos nga reward ngadto ni bisan kinsa nga makahatag sa inpormasyon nga makatumbok sa pagpaaresto sa mga corrupt local officials.