28.9 C
Manila
Friday, March 29, 2024

City Administrator Jerry Centro Midugang Sa Pagpasabot Sa GCQ Nan Siyudad

- Advertisement -

Sa inin pagbalik ngadto pagka GCQ nan Ciudad Surigao gikan sa pipila ka mga adlaw na nag ECQ, nuhatag nan dugang pagpasabot si Atty Jerry Centro, an City Administrator sanan Spokesperson ni Mayor Estong Matugas sa mahimong sitwasyon, una gikan sa pagsuspenso nan mga negosyo na naghanjag nan dili kun essential na panginahanglan nan katawhan, tugutan na kuman na mahibalik an operasyon nan mga ini partikular an sa construction supplies, motorparts and accesories, computer parts and supplies sanan nan iban pa.

Tagsulti isab ni Atty. Centro na tagpabalik na sad an operasyon nan panpubliko na transportasyon pareho nan traysikol sanan multicab, pero strikto gihapon an social distancing sanan face mask sa mga sumasakay dinhi. An plano na Odd and Even scheme sa mga traysikol dili pa mapaimplementar kay padajon pa ini na tag tun-an. Samtang sa mga pribadong sakyanan, lakip jaon mga kotse sanan jaon tagtawag na mga SUVs nan mga arang arangan sa komunidad an strikto kuman na bantayan kabahin sa social distancing sanan face mask. Tagtahasan na dinhi an kapulisan sa pag inspection sa mga pribadong sakyanan kun nagtuman ba sa mga regulasyon. (Jhino Parrucho, Ronda 10 RPN DXKS)

- Advertisement -

Leave a Reply

- Advertisement -

Related Articles

- Advertisement -
- Advertisement -

Latest Articles

- Advertisement -