Nikalas og duha ka kinabuhi ang nahitabong disgrasya sa mga motorsiklo didto sa National Highway, Barangay Tubod, lungsod sa Barili, probinsya sa Sugbo, pasado alas 6:00 kagabii, Abril 27, 2024.
Ang mga biktima nga pulos driver giila sa taga Barili Police Station na sila si Regin Tablezo Lañojan, 46 anyos ang panuigon, taga Barangay Tangil, lungsod sa Dumanjug, ug Ricky De Gracia Cuadero, 39 anyos, residenti sa Barangay Pancil, lungsod sa Barili, Sugbo.
Sa gihimo nga inbestigasyon sa Barili Police Station nasayran nga ang duha ka mga motorsiklo nagbiya sa opposite direction.
Diin sa pag-abot na sa naasoy nga lugar nagka dasmag kini nga ni resulta sa grabing kadaot sa motorsiklo ug sa mga driver niini.
Pulos sila gidala sa tambalanan apan nabugtu-an kini sa ilang mga kinabuhi. (Renante Lada)
