Dili pa mahimong pabakweton sa kagamhanan sa Dakbayan sa Naga ang gatosan ka mga pamilya nga nagpuyo sulod sa mga dapit nga gideklarar nga Red Zones sa Mines and Geo-Sciences Bureau (MGB-7).
Ang RED ZONES AREAS, mao kadtong mga dapit nga gideklarar nga kuyaw nga puy-an. Mokabat sa nueve sientos (900) ka mga pamilya ang nagpuyo sa maong mga dapit nga sikbit sa Barangay Tinaan, Naga City nga naigo sa landslide niadtong miaging Septiembre, 2018 ug mikalas og ubay-ubay nga kinabuhi.
Girekomendar sa MGB-7 ngadto sa kadagkoan sa Naga City nga dili tugtan nga makapuyo sa RED ZONE AREAS  ang mga residente nga duol sa landslide area sa Barangay Tinaan.
Giangkon ni Naga City Mayor Kristine Vanessa Chiong nga gusto niya nga makakuha’g SECOND OPINIONÂ sa FINDINGSÂ sa MGB-7 pinaagi sa usa ka eksperto.
Si Dr. Mahar Lagmay, Professor sa National Institute of Geological Sciences sa University of the Philippines (UP-Diliman), ang gisangonan sa Mayor nga mopahigayon sa pagtuon sa reports sa MGB-7. Masaligon usab si Chiong nga pinaagi sa FINDINGS sa Professor, matino gyod nila kon unsa ang mga dapit nga kuyaw nga puy-an sulod sa gideklarar nga RED ZONES AREAS. ##MM
